Skjalið er hér að neðan og virkar aðeins fyrir Excel 2007 og nýrra (vegna ifferror fallsins sem notað er, sjá hér).
Lítið mál er að setja saman sérunnið skjal fyrir aðrar deildir, sé óskað eftir því. Hafið samband við excel@excel.is ef áhugi er fyrir hendi.
Ein ánægjulegasta viðbótin í Excel 2007 var, að mínu mati, fallið IFERROR. Með því er hægt að skipta út öllum villuboðum fyrir texta, eyðu eða nánast hvað sem hugurinn girnist.
Fyrir tíma Excel 2007 þurftu notendur að notast við krókaleið að því að skipta út villuboðum með tveimur samsettum föllum: IF og ISERROR.
Hér er fyrsti gestapistill síðunnar. Hann er frá Styrmi Frey Gunnarssyni, bróðir mínum og sérfræðingi við Ekspres Bankann í Danmörku. Hægt er að ná í hann í netfanginu styrmirg@hotmail.com.
If fallið er mun einfaldara en almennt er talið. Það virkar svona:
=IF([Ef þetta];[þá þetta];[annars þetta])
Semíkomman skilur að skipanir.
Dæmi:
=IF(A1=10;”A1 er tíu!”;”A1 er ekki tíu!”)
Þetta gefur okkur að ef í cellu A1 er talan 10 þá muni standa “A1 er tíu!“, annars “A1 er ekki tíu!“.
Continue reading »
Áður en leiktímabilið hófst í haust í ensku úrvalsdeildinni í fótbolta útbjó ég skjal sem hjálpar til við að halda saman úrslitum í deildinni og hafa yfirlit yfir stöðuna. Ég gerðist þó helst til of latur við að uppfæra úrslitin, svo hér er skjalið í sinni upphaflegu mynd.
Continue reading »
Margir hafa verið að lenda í vandræðum með að opna Excel 2007 og Excel 2010 skjöl (.xlsx) í Excel 2003 og eldri útgáfum.
Þó að nokkrar formúlur í Excel 2007 og 2010 hlaðist ekki í eldri útgáfum Excel og litaskemað sé annað, er engin ástæða fyrir því að geta ekki opnað önnur, tiltölulega einföld skjöl í eldri útgáfum. Til að gera það þarf smá viðbót frá Microsoft.
Hana má sækja hér, af síðu Microsoft. Hún er ókeypis og hættulaus. Lesið leiðbeiningarnar vel.
ATH. Þetta er aðeins fyrir Excel 2003 og eldri útgáfur af Excel.
Að bæta við drop down menu (fellilisti) í Excel skjöl er einfaldara en fólk heldur. Hér eru leiðbeiningar fyrir þeirri smekklegu viðbót í nokkrum auðveldum skrefum, auk sýniskjals sem inniheldur einn slíkan menu. Continue reading »
Fyrsta fyrirspurn síðunnar barst fyrr í dag. Hún var eftirfarandi:
„Ég er að skrá íslenskar kennitölur og vil láta þær birtast þannig að það sé núll fremst ef fæðingardagurinn er minni en 10. Svo vil ég hafa strik á milli fæðingardagsins og síðustu fjögurra tölustafanna“
Þetta er nokkuð auðvelt að gera:
1. Velið þær cellur sem eiga að innihalda kennitölur. T.d. A column.
2. Hægrismellið og veljið format cells (eða veljið ctrl+1).
3. Undir number, farið í custom.
4. Skráið eftirfarandi í type: „0#####-####“. Sjá mynd 1.
5. Veljið OK.
Mynd 1
Nú birtir Excel núll fremst þegar aðeins er um níu stafa kennitölu er að ræða og strik á milli fyrstu sex tölustafanna og næstu fjögurra.
Nú er bara að vona að google leitarvélin hendi inn fólki sem googlar “sex” en uppgötvar þess í stað töfraheima Excel.
Við byrjum á einföldum keyrslum. Hér verður fjallað um meðaltal og vegið meðaltal.
Að reikna venjulegt meðaltal í Excel er auðvelt. Þú skrifar =average([cellur]) og ýtir á enter. Ef þú vilt t.d. taka meðaltal af cellum frá A1 til A10 þá skrifarðu „=average(A1:A10)“ í þá cellu sem þú vilt fá meðaltalið.
Að reikna vegið meðaltal er örlítið flóknara.
Segjum sem svo að þú sért með þrjú gildi sem hafa öll mismunandi vægi (sjá mynd 1). Þú vilt reikna meðaltalið út frá væginu, svokallað vegið meðaltal.
Mynd 1
Mynd 2
Mynd 3
Önnur leið væri að slá þetta inn handvirkt. Formúlan í C5 myndi líta þá svona út: =(B2*C2+B3*C3+B4*C4), en þetta er það sem sumproduct gerir án þess að sýna útreikninga.
Það er svo hægt að nota sumproduct á allt annan, skemmtilegri og flóknari hátt. Mögulega meira um það síðar.
Á síðu þessari verður nytsemi Microsoft Excel gerð kunn, gagnlegum skjölum deilt og farið yfir marga af þeim óteljandi kostum við að nota Excel.
Enn er unnið að útliti síðunnar og uppsetningu og á næstum dögum verður síðum eins og “Um síðuna“, “Hafðu samband” og annað í þeim dúr bætt við. Ennfremur verður síðan Íslenskuð eftir bestu getu.
Verið óhrædd við að koma með ábendingar í formi athugasemda eða tölvupósta á excel@excel.is.
