Það eru margar leiðir til að reikna meðaltal, fjölda og heildarsummu gagnagrunna út frá fyrir fram ákveðinni skorðu.
Dæmi: Í gagnagrunni yfir stakar sölur þriggja sölumanna á karmellum þarf að ná í fjölda sala hvers sölumanns, meðalfjölda í hverri sölu og heildarfjölda seldra karmella.
Ein leiðin væri að hnoða saman if falli við average, sum og count. Það reynist þó algjör óþarfi því í Excel er að finna föllin averageif, sumif og countif, sem taka meðaltal af, leggja saman og telja út frá forsendum.
Föllin virka á eftirfarandi hátt:
=AVERAGEIF([Sá hluti sem er skorðaður]; [Skorðunin]; [Þær tölur sem reikna á út frá skorðun])
=SUMIF([Sá hluti sem er skorðaður]; [Skorðunin]; [Þær tölur sem reikna á út frá skorðun])
=COUNTIF([Það sem á að telja út frá skorðun]; [Skorðunin];)
Ef áðurnefndur gagnagrunnur stendur í cellum A3-B102, þar sem nöfnin eru í A dálki, fjöldi seldra karmella er í B og eitt nafnanna er Helgi, þá líta formúlurnar svona út:
=AVERAGEIF($A$3:$A$102;”Helgi”;$B$3:$B$102)
=SUMIF($A$3:$A$102;”Helgi”;$B$3:$B$102)
=COUNTIF($A$3:$A$102;”Helgi”)
Þetta virðist flókið en er í raun sáraeinfalt, eins og sjá má í viðhengdu sýniskjali, þar sem dæmið að ofan er tekið fyrir.
Ef svo um er að ræða fleiri en eina skorðu þá má notast við AVERAGEIFS, SUMIFS og COUNTIFS eða jafnvel SUMPRODUCT fyrir flóknari keyrslur, en meira um það síðar.