Þessi reiknir var útbúinn fyrir 4 ára gutta sem hefur gaman af tölum. Einungis unnið með tölur frá einum og uppí fimm.
Ef Internet Explorer er notaður þá þarf að vista skjalið niður á tölvuna en ekki opna það beint svo allt virki sem skyldi.
Þessi reiknir var útbúinn fyrir 4 ára gutta sem hefur gaman af tölum. Einungis unnið með tölur frá einum og uppí fimm.
Ef Internet Explorer er notaður þá þarf að vista skjalið niður á tölvuna en ekki opna það beint svo allt virki sem skyldi.
Margir hafa verið að lenda í vandræðum með að opna Excel 2007 og Excel 2010 skjöl (.xlsx) í Excel 2003 og eldri útgáfum.
Þó að nokkrar formúlur í Excel 2007 og 2010 hlaðist ekki í eldri útgáfum Excel og litaskemað sé annað, er engin ástæða fyrir því að geta ekki opnað önnur, tiltölulega einföld skjöl í eldri útgáfum. Til að gera það þarf smá viðbót frá Microsoft.
Hana má sækja hér, af síðu Microsoft. Hún er ókeypis og hættulaus. Lesið leiðbeiningarnar vel.
ATH. Þetta er aðeins fyrir Excel 2003 og eldri útgáfur af Excel.
Nokkur orð um hvernig hægt er að bæta við línu neðst í fyrirfram ákveðna stærð af innsláttartöflu með VBA. Continue reading »
Annað skjal sem er á mörkunum á að teljast nytsamlegt. Þó eru eflaust einhverjir áhugamenn sem gætu séð sér not í því að kíkja á skjalið. Continue reading »
Mikið safn af alls kyns VBA lausnum, hugmyndum og sniðmátum er hægt að finna í leitarvélum á internetinu. Hér á eftir verður farið stuttlega yfir hvert hægt er að setja þennan kóða og létt dæmi um forritun sett fram. Sjálfur er ég tiltölulega nýbúinn að uppgötva möguleikana sem VBA bætir við Excel þannig að mögulegt er að eitthvað vanti uppá en þetta ætti þó að koma hlutunum af stað. Continue reading »
Að bæta við drop down menu (fellilisti) í Excel skjöl er einfaldara en fólk heldur. Hér eru leiðbeiningar fyrir þeirri smekklegu viðbót í nokkrum auðveldum skrefum, auk sýniskjals sem inniheldur einn slíkan menu. Continue reading »
Fyrsta fyrirspurn síðunnar barst fyrr í dag. Hún var eftirfarandi:
„Ég er að skrá íslenskar kennitölur og vil láta þær birtast þannig að það sé núll fremst ef fæðingardagurinn er minni en 10. Svo vil ég hafa strik á milli fæðingardagsins og síðustu fjögurra tölustafanna“
Þetta er nokkuð auðvelt að gera:
1. Velið þær cellur sem eiga að innihalda kennitölur. T.d. A column.
2. Hægrismellið og veljið format cells (eða veljið ctrl+1).
3. Undir number, farið í custom.
4. Skráið eftirfarandi í type: „0#####-####“. Sjá mynd 1.
5. Veljið OK.
Nú birtir Excel núll fremst þegar aðeins er um níu stafa kennitölu er að ræða og strik á milli fyrstu sex tölustafanna og næstu fjögurra.
Nú er bara að vona að google leitarvélin hendi inn fólki sem googlar “sex” en uppgötvar þess í stað töfraheima Excel.
Á þessum síðustu og verstu hefur það reynst ágæt búbót að halda strimlabókhald fyrir heimilið. Þess utan hefur þetta verið ágæt leið í að halda líkamlegu formi í “ásættanlegu” ásigkomulagi, því það hefur reynst erfitt að réttlæta KFC þegar summutalan fyrir skyndibitann er skoðuð í lok mánaðar.
Eftirfarandi skjal er unnið upp úr skjali sem birtist á heimasíðu Umboðsmanns skuldara (neðri hlekkurinn).
Ekkert lykilorð þarf til þess að aflæsa flipum í skjalinu.
Af lagernum.
Einfaldur Excel lánareiknir þar sem hægt er að skoða greiðsluflæði miðað við jafnar afborganir eða jafnar greiðslur (annuitet). Afborgunum, vöxtum og höfuðstól er stillt upp yfir tímabil á grafi.
Nytsamlegur að því leyti að hægt er að lengja tímabilið á milli greiðslna, sem flestir bankaheimasíðureiknar leyfa ekki. Bláu reitirnir eru til að slá gildi í.
Fyrir þá sem vilja styrkja síðuna þá er hægt að nálgast skjalið aflæst hér fyrir neðan – ef viðkomandi hefur áhuga á að skoða formúlur oþh.
Við byrjum á einföldum keyrslum. Hér verður fjallað um meðaltal og vegið meðaltal.
Að reikna venjulegt meðaltal í Excel er auðvelt. Þú skrifar =average([cellur]) og ýtir á enter. Ef þú vilt t.d. taka meðaltal af cellum frá A1 til A10 þá skrifarðu „=average(A1:A10)“ í þá cellu sem þú vilt fá meðaltalið.
Að reikna vegið meðaltal er örlítið flóknara.
Segjum sem svo að þú sért með þrjú gildi sem hafa öll mismunandi vægi (sjá mynd 1). Þú vilt reikna meðaltalið út frá væginu, svokallað vegið meðaltal.
Í þessu tilviki er notast við fallið sumproduct, sem tekur tvær talnarunur, margfaldar og leggur svo niðurstöðurnar saman. Við veljum B2-B4 með músinni, höldum CTRL takkanum niðri og veljum C2-C4, lokum sviganum og ýtum á enter (sjá mynd 2).Önnur leið væri að slá þetta inn handvirkt. Formúlan í C5 myndi líta þá svona út: =(B2*C2+B3*C3+B4*C4), en þetta er það sem sumproduct gerir án þess að sýna útreikninga.
Það er svo hægt að nota sumproduct á allt annan, skemmtilegri og flóknari hátt. Mögulega meira um það síðar.