Ensku deildirnar í fótbolta – Hermun

Það er fátt sem ekki er hægt að gera í Excel. Í skjalinu sem fylgir færslunni er smá leikur gerður úr ensku deildunum í fótbolta.

Í skjalinu, sem virkar aðeins fyrir Excel 2007 og nýrri útgáfur, er hægt að herma (ens.: simulate) ensku deildirnar, umferð fyrir umferð eða heilt tímabil í einu. Ennfremur eru úrslitakeppnir neðri deildanna innifaldar ásamt einfaldri útgáfu af deildarbikar ensku deildanna.

Nokkur atriði varðandi skjalið:

• Skjalið inniheldur saklausan macro sem þarf að virkja þegar það er opnað.
• Skjalið er á bjagaðri ensku. Beðist er velvirðingar á því.
• Þegar tímabili allra deilda er lokið er hægt að endurræsa þær, ýmist með því að endurræsa hverja og eina eða allar í einu á overview síðunni. Þegar tímabil eru endurræst koma nýjar niðurstöður leikja.
• Styrkleikur liðanna er reiknaður út frá stöðu deildarinnar þann 4. nóvember 2011.
• Hægt er að breyta styrkleika allra liða handvirkt á Settings síðunni.

{filelink=52}

Mér þætti vænt um ef notendur skjalsins gætu séð sér fært að láta mig vita ef eitthvað má betur fara í skjalinu með því að senda póst á excel@excel.is eða rita athugasemd við færsluna. Hugmyndir að viðbótum í skjalið eru líka vel þegnar.