Síðunni barst fyrirspurn þess efnis að setja saman súlurit þar sem skiptar og óskiptar súlur sitja saman í hóp.
Notaður er grafvalmöguleikinn fyrir skiptar súlur (stacked column chart) og sá möguleiki notaður til þess að búa til skiptar súlur og óskiptar súlur samhliða. Galdurinn er að setja upp gögnin á réttan máta. Hér fyrir neðan er einfaldað dæmi sem ætti að vera hægt að heimfæra á önnur tilvik. Ein súlan á að vera þrískipt en á að standa með tveimur öðrum súlum sem eru óskiptar. Hugaði ekki að fleiri útfærslum við þessa framkvæmd en þær eru eflaust til.
Mynd 1
Til þess að byrja með eru gögnin valin á neðangreindan máta og grafvalmöguleikinn “stacked column chart” valinn.
Mynd 2
Því næst er nöfnunum sem við viljum fá á ásinn skipt inn fyrir tölurnar sem valdar voru. Það er gert með því að hægri smella á grafið og velja “Select Data”.
Mynd 3
Þá er edit valið fyrir hvaða breytu sem er af þeim sem eru á grafinu.
Mynd 4
Svo er bara að velja nafnabilið eins og við settum það inn. Muna að velja tómu reitina einnig svo þetta verði miðjujafnað.
Mynd 5
Þá er bara að laga aðeins til grafið og þétta bilið á milli en það er gert með því að hægri smella á súlu á grafinu og velja “Format Data Series” og fikta í “Gap width” í Series Options.
Mynd 6
Þá ætti grafið að líta nokkurn veginn svona út.
Mynd 7
Hægt er að setja tóma dálka við hægri og vinstri hlið gagnatöflunnar (alveg eins og tómir dálkar eru settir á milli) til að rýmka aðeins til hliðanna.