Eftir að hafa notað samasem merkið (=) í Excel árum saman lærði ég nokkuð nýlega hvernig á að gera „ekki sama og“ í föllum.
Dæmigert fall með samasem merki lítur svona út:
=IF(A1=10;”Tíu”;”Ekki tíu”).
Það gefur okkur að ef í sellu A1 er talan 10, þá skili fallið af sér bókstöfunum „Tíu“. Ef hinsvegar eitthvað annað er í sellu A1 en 10, þá skilar það af sér „Ekki tíu“. Mjög einfalt fall.
En hvað ef ég vil spyrja fallið frekar „Er það sem stendur í A1 ekki 10?“? Þá notum við „Ekki sama og“ merkið (<>). Fallið lítur þá svona út:
=IF(A1<>10;”Ekki tíu”;”Tíu”).
Þarna er fallinu snúið við, þannig að ef ekki eru tölustafirnir 10 í A1 þá skilar fallið “Ekki tíu”, annars “Tíu”. Sama niðurstaða, öðruvísi uppsetning.
Þetta er auðvitað mjög einfalt dæmi. <> getur sparað gríðarlegan tíma í öðrum, flóknari föllum.