Viljirðu notast við handahófskenndar tölur í Excel skjali þá býður Excel upp á tvö föll.
Annars vegar er það RAND fallið sem einfaldlega er ritað
=RAND()
og skilar það tölu á bilinu 0 og 1, með fimmtán aukastöfum. Viljirðu tölu á bilinu 0 og 100 þá geturðu einfaldlega margfaldað með 100:
=RAND()*100
og ef þú vilt að hún sé slétt þá faðmarðu fallið með ROUND fallinu:
=ROUND(RAND()*100;0)
Hliðarspor: ROUND fallið virkar þannig:
=ROUND([tala eða reitur];[fjöldi aukastafa]).
Dæmi:
=ROUND(99,4999;1)
Skilar 99,5.
Hinsvegar er það RANDBETWEEN fallið sem leyfir þér að velja efri og neðri mörk.
=RANDBETWEEN([neðri mörk];[efri mörk])
Þannig er t.d. mun einfaldara að finna handahófskennda tölu á milli 0 og 100:
=RANDBETWEEN(0;100)
Og fallið skilar tölu án aukastafa, á bilinu 0 og 100.
ATH.
- Fallið RANDBETWEEN skilar alltaf heilli tölu, án allra aukastafa.
- RAND OG RANDBETWEEN endurkeyrist þegar ýtt er á F9 eða þegar breyting er gerð á skjalinu, svo ef þú vilt fasta tölu mæli ég með því að afrita töluna sem birtist og paste-a sem value.
- Önnur leið til að fá endanlega tölu er að slá inn t.d. =RAND() og ýta á F9 í formúlu reitnum, svo formúlan keyrist ekki aftur þegar breyting er gerð á skjalinu.
Eins og alltaf vonum við að þetta komi að notum og ef eitthvað er óljóst, látið vita í athugasemdum.